Poemas en Asturiano
Este autor dedicó unos poemas a la tierra asturiana. Aquí os los pongo, traducidos al asturiano, lengua de la que es firme defensor.
Al otru día, camín de Piedras Blancas,
sentíame como un alma pela que dalquién reza.
Vi homes segando´l verde con gadaños,
vi abeyes ensamando, una bocamina y una capiella,
el maíz apinao como una carga d´oru nes maniegues.
Yo yera un pelegrín acabante llegar a la escena
pero entraba igual que si tuviera en mio casa,
nel Gaeltach, allá pelos años cincuenta,
onde me daben la bienllegada imperceptiblemente
les families que trabayaben nos surcos de los praos
y que me chisbaben y me saludaben dende esi mundu suyu
como inda avezaben per ende, cerca de Piedras Blancas.
En San Xuan de L´Arena
el día yera claru y tresparente.
Dos ríos fluíen xuntos baxo la lluz del sol.
Los regueros rayaben el sable raso.
El mar boriaba y brillaba fuera del bar.
Y, pela tarde, gaviluetes in excelsis
peñeraben y rellampaben nel aire como molacinos
colos sos xiros rápidos y los cirios y los responsos
na gran escurrida resonante de la catedral
de l´apartada Compostela, stela, stela.
No hay comentarios:
Publicar un comentario